ភ្នំពេញ: ករណីស្ត្រី២នាក់ ដែលបានត្រូវឃាតក មិនស្គាល់មុខ សម្លាប់ចងផ្អោបគ្នានោះ សមត្ថកិច្ចបានធ្វើការសន្និដ្ឋានថា ជាករណីប្លន់សម្លាប់យកទ្រព្យសម្បត្តិ គឺប្លន់យកម៉ូតូ Scoopy មួយគ្រឿង ដែលជនរងគ្រោះជិះ។
តាមការពិនិត្យជាក់ស្តែង ស្ត្រីរងគ្រោះ ប្រហែលជាត្រូវបានឃាតក សម្លាប់រយៈពេល ២ ថ្ងៃមកហើយ។ ស្ត្រីម្នាក់មានឈ្មោះវ៉ន លក្ខិណា អាយុ២៥ឆ្នាំ និងម្នាក់ទៀត ឈ្មោះស្រី លក្ខណ៍ អាយុ២៥ឆ្នាំ។ ពួកគេទាំង២នាក់ សិក្សានៅសាលា មេតូនី កម្ពុជា និងស្នាក់នៅភូមិច្រេះ សង្កាត់ភ្នំពេញថ្មី ខណ្ឌសែនសុខ ជាមួយគ្នា។
ផ្អែកតាមការបំភ្លឺរបស់ក្រុមគ្រួសារស្ត្រីរងគ្រោះនោះ សមត្ថកិច្ចបានឲ្យដឹងថា ជនរងគ្រោះទាំង២នាក់ បានជិះម៉ូតូមួយគ្រឿងឌុបគ្នា ចេញពីផ្ទះ តាំងពីថ្ងៃចន្ទ ទី២២ ខែកក្កដា ឆ្នាំ២០១៣ ហើយបានបាត់ខ្លួនរហូតមក មិនដឹងជាទៅទីណាទេ។ ក្រុមគ្រួសារបានដើរស្វែងរកសព្វគ្រប់ទីកន្លែង នៅតែមិនឃើញ។ ទើបតែព្រឹកមិញនេះ បានដឹងពីករណីឃាតកម្ម សម្លាប់ស្ត្រី២នាក់។
សមត្ថកិច្ច បាននិយាយថា នៅកន្លែងកើតហេតុ សមត្ថកិច្ច បានរកឃើញសៀវភៅកុំព្យូទ័រមួយក្បាល ដែលដាក់កល់នៅពីក្រោមសព។ ចំណែកម៉ូតូ Scoopy ពណ៌ក្រហម ស្លាកលេខភ្នំពេញ 1EQ 4043 របស់ជនរងគ្រោះនោះ មិនឃើញទេ គឺបាត់ហើយ។
សូមបញ្ជាក់ថា មេជាងសំណង់ម្នាក់ ឈ្មោះថារី សុភា ភេទប្រុស អាយុ២៩ឆ្នាំ ស្នាក់នៅភូមិចម្ការឪឡឹក សង្កាត់ក្រាំងធ្នង់ ខណ្ឌពោធិ៍សែនជ័យ បាននិយាយថា ស្ត្រី ២ នាក់ ត្រូវបានគេសម្លាប់ដោយចងផ្អោបគ្នា នៅក្នុងព្រៃដើមប្រេងខ្យល់ នៅតាមបណ្តោយផ្លូវបេតុង ក្នុងភូមិចម្ការឪឡឹក សង្កាត់ក្រាំងធ្នង់ ខណ្ឌពោធិ៍សែនជ័យ។
សពត្រូវបានគេប្រទះឃើញនៅវេលាម៉ោង ៧និង២០នាទីព្រឹក ថ្ងៃទី២៤ខែកក្កដា ឆ្នាំ២០១៣។
សពស្ត្រីទាំង២នាក់នោះ ត្រូវបានប្រគល់ជូនក្រុមគ្រួសារយកទៅធ្វើបុណ្យហើយ។
ឥឡូវនេះ សមត្ថកិច្ចជំនាញ កំពុងស្រាវជ្រាវរកអត្តសញ្ញាណរបស់ឃាតក៕
សពស្ត្រីទាំង២នាក់នោះ ត្រូវបានប្រគល់ជូនក្រុមគ្រួសារយកទៅធ្វើបុណ្យហើយ។
ឥឡូវនេះ សមត្ថកិច្ចជំនាញ កំពុងស្រាវជ្រាវរកអត្តសញ្ញាណរបស់ឃាតក៕
ប្រភពដើមពីៈ CEN
.jpg)
