បទចម្រៀង សង្សារខ្ញុំខុសអី ពីណាំ ប៊ុណ្ណារ័ត្ន ចេញលក់ហើយ! (មានវីដេអូ)

បន្ទាប់ពីឡើងឆាកប្រគុំតន្រ្តីប៉ុន្មានខែមុនមក វីដេអូចម្រៀងTrailer បទសង្សារចាស់ខ្ញុំខុសអី របស់លោក ណាំ ប៊ុណ្ណារ័ត្ន តារាចម្រៀងរបស់ផលិតកម្មថោន បានបង្ហោះព្រោងព្រាតនៅលើបណ្តាញទំនាក់ទំនងសង្គម ហ្វេសបុក និងយូធូប ហើយឥឡូវអ្វីដែលប្រិយមិត្ត ទន្ទឹមរង់ចាំនោះគឺ បទចម្រៀងសង្សារចាស់ខ្ញុំខុសអី FULL បានចេញលក់នៅលើទីផ្សារហើយ ក្នុង ស៊ីឌី វ៉ុល ៤២ របស់ផលិតកម្មថោន។
បទចម្រៀងច្រៀងរៀបរាប់ពីភាពស្តាយក្រោយ ដែលក្បត់នឹងសង្សារចាស់របស់ខ្លួន ស្រវ៉ាអ្នកថ្មី របស់លោក ណាំ ប៊ុណ្ណារ័ត្ន បានអង្រួនបេះដូងយុវវ័យឲ្យស្គាល់អ្វីទៅជាភាពឈឺចាប់ នៅពេលដែលមនុស្សដែលខ្លួនស្រឡាញ់បានផិតក្បត់។ លើសពីនេះទៀត បទចម្រៀងនេះបានធ្វើឲ្យអារម្មណ៍អ្នកស្តាប់មានអារម្មណ៍ឈឺចាប់ ដោយសារតែអតីតសង្សាររបស់លោក ណាំ ប៊ុណ្ណារ័ត្ន ជួបអ្នកថ្មី ដែលក្បត់នឹងខ្លួនម្តងទៀត គួរឲ្យអាណិតក្រៃលែង ទើបលោកសម្រេចចិត្តច្រៀងរៀបរាប់ពី សេចក្តីនឹករលឹកនិងការស្រឡាញ់ តាមរយៈបទចម្រៀងនេះ។

ប្រភពពី ខ្មែរឡូត