តារាស្រីវ័យ ៥៨ឆ្នាំ ដើរតួជានារីវ័យ ១៦ឆ្នាំ ក្នុងរឿងភាគចិន ធ្វើឲ្យមហាជនភ្ញាក់ផ្អើល

យោងតាមសារព័ត៌មាន chinanavis របស់ប្រទេសចិន បានឲ្យដឹងថា តារាស្រីវ័យ ៥៨ឆ្នាំ មានឈ្មោះថា Liu Xiaoqing បានដើរតួជានារីវ័យ ១៦ឆ្នាំ ដែលជាព្រះនាង Miing ក្នុងរឿងភាគចិន មានចំណងជើងថា “Heroes in Sui and Tang Dynasties” ធ្វើឲ្យមហាជនជាច្រើន មានការភ្ញាក់ផ្អើល។ ចំនែកឯតួឯកប្រុសវិញ គឺមានវ័យទើបតែ ២១ឆ្នាំប៉ុណ្ណោះ មានឈ្មោះថា Calvin Zheng បានដើរតួជារាជាធិរាជ Taizong របស់មហាថាង។

ជាមួយគ្នានេះដែរ នៅក្នុងរឿងភាគចិន “Heroes in Sui and Tang Dynasties” នេះ តួឯកប្រុស Calvin Zheng បានស្រលាញ់តួឯកស្រី Liu Xiaoqing ដោយហៅគ្នាអូនបងៗទៅវិញទៅមកតែម្តង។

បើតាមប្រព័ន្ធផ្សព្វផ្សាយ WCC នៅក្នុងប្រទេសចិន បានឲ្យដឹងថា តួឯកស្រី Liu Xiaoqing ត្រូវបានអ្នកតុបតែងមុខដ៏ល្បីឈ្មោះ នៅក្នុងប្រទេសចិន គឺនាង Mao Geping ជាអ្នកតុបតែងមុខឲ្យ ហើយបន្ទាប់ពីតុបតែងមុខហើយ តួឯកស្រី Liu Xiaoqing ពិតជាដូចនារីវ័យ ១៦ឆ្នាំពិតមែន គឺស្រស់ស្អាតមែនទែន៕

ប្រភពពី ខ្មែរឡូត