ភ្នំពេញ: លោក កឹម សុខា អនុប្រធានគណបក្សសង្គ្រោះជាតិ បានប្រកាសជាថ្មីម្តងទៀតថា គណបក្សសង្គ្រោះជាតិ នឹងធ្វើមហាបាតុកម្មម្តងទៀតនៅថ្ងៃទី១៥, ១៦ និងទី១៧ ខែកញ្ញាឆ្នាំ២០១៣ខាងមុខនេះ ដើម្បីប្រឆាំងនឹងលទ្ធផលបោះឆ្នោត ដោយអះអាងថាបាតុកម្មនឹងធ្វើធំជាងមុន។ លោក កឹម សុខា ថែមទាំងបញ្ជាក់ទៀតថា បើពុំមានដំណោះស្រាយ គណបក្សលោកនឹងមិនចូលប្រជុំក្នុងរដ្ឋសភាទេ។
នៅថ្ងៃទី៨ខែកញ្ញានេះ គ.ជ.ប.បានប្រកាសលទ្ធផលបោះឆ្នោតផ្លូវការ ទាក់ទងនឹងចំនួនអាសនៈសម្រាប់គណបក្សនយោយបាននីមួយៗតាមមណ្ឌលបោះឆ្នោតទាំងអស់ដោយក្នុងនោះគណបក្សប្រជាជនកម្ពុជាទទួលបាន ៦៨ អាសនៈ និងគណបក្សសង្គ្រោះជាតិទទួលបាន ៥៥ អាសនៈ។ ចំណែកគណបក្សចំនួន ៦ ផ្សេងទៀតមិនទទួលបានអាសនៈឡើយ។
បន្ទាប់ពីការប្រកាសលទ្ធផលនោះគណៈបក្សសង្គ្រោះជាតិបានកោះប្រជុំ ហើយបន្ទាប់ពីប្រជុំលោកកឹមសុខាក៏បានចេញមកប្រកាសដូចខាងលើ។
អ្នកគាំទ្រគណបក្សសង្គ្រោះជាតិជាច្រើននាក់ បានមកប្រមូលផ្តុំនៅទីលានប្រជាធិបតេយ្យ កាលពីថ្ងៃសៅរ៍ទី៧ខែកញ្ញា ។ពួកគេមានចំនួនចន្លោះពី ១៥០០០នាក់ ទៅ ២០០០០នាក់ ក្នុនោះមានព្រះសង្ឃមួយចំនួនចូលរួមផងដែរ បើទោះជាមានព្រៈរាជសង្ឃប្រកាស ហាមសង្ឃចូលរួមក្តី។ មហាបាតុកម្មដែលដឹកនាំដោយលោក សម រង្ស៊ី និងលោក កឹម សុខា បានបញ្ចប់នៅវេលាម៉ោងជាង១១ព្រឹកថ្ងៃទី៧ខែកញ្ញា ដោយមិនមានហឹង្សា៕
ប្រភពពី CEN
.jpg)
