ចិន​ផលិត​នាវាមុជទឹក ​បរមាណូ​អាច​វាយប្រហារ​ ដល់​អា​មេ​រិ​ក​

​បច្ចុប្បន្ន​ចិន​កំពុង​តែ​អភិវឌ្ឍន៍​ផលិត​នាវាមុជទឹក​ក​ដើរ​ដោយ​ថាមពលបរមាណូ​ Type​ 096​ ដោយ​បំពាក់​ប្រព័ន្ធ​កាំជ្រួច​មី​ស៊ី​ល​ឆ្លង​ទ្វីប​រយៈ​ចម្ងាយ​ឆ្ងាយ​ JL-3​ អាច​វាយប្រហារ​ទៅ​លើ​គោលដៅ​នានា​ក្នុង​ទឹកដី​អា​មេ​រិ​ក​ ។​សារព័ត៌មាន​វ៉ា​ស៊ី​ន​តោន​ថា​ម​ស៍​ ដកស្រង់​របាយការណ៍​របស់​ក្រុម​ចារកម្ម​ និង​ឯកទេស​ស្រាវជ្រាវ​ពី​នាវាមុជទឹក​ របស់​ចិន​បានឱ្យ​ដឹង​ថា​ នាវាមុជទឹក​ដើរ​ ដោយ​ថាមពលបរមាណូ​របស់​កម្លាំង​ ទាហានជើងទឹក​ អាច​បំពាក់​កាំជ្រួច​ មី​ស៊ី​លបាញ់​ពី​ទី​ក្នុង​ទឹក​ចេញ​ទៅ​លើ​គោលដៅ​នានា​ ។​ នាវាមុជទឹក​ដ៏​ទំនើប​ នេះ​នឹង​ធ្វើការ​សាកល្បង​នៅ​ឆ្នាំ​២០១៤​ ។​

 ​បច្ចុប្បន្ន​ចិន​មាន​នាវាមុជទឹក​ដើរ​ ដោយ​ថាមពលបរមាណូ​៣​គ្រឿង​ ដែល​ កំពុង​កាំជ្រួច​មី​ស៊ី​ល​ប្រភេទ​ Type​ 094​ ក្នុង​នាវា​នីមួយៗ​អាច​បំពាក់​មី​ស៊ី​ល​ JL-2​ បាន​១២​គ្រាប់​ ។​ នៅ​ពេល​ដែល​នាវា​មុជ​ ទឹក​ដើរ​ដោយ​ថាមពលបរមាណូ​ចាប់ផ្ដើម​ បេសកកម្ម​យាមល្បាត​នៅ​ឆ្នាំ​២០១៤​ នោះ​ នឹង​ក្លាយទៅជា​នាវាមុជទឹក​យុទ្ធ​ សាស្ដ្រ​មាន​កាំជ្រួច​មី​ស៊ី​ល​បំពាក់​ក្បាល​ គ្រាប់​បរមាណូ​ដំបូង​គេ​បង្អស់​របស់​ចិន​ បំពេញ​ប្រតិបត្ដិការ​នៅ​សមុទ្រ​ជ្រៅ​ និង​ ឆ្ងាយ​ពី​ដីគោក​ ។​

​អ្នកឯកទេស​ស្ដី​ពី​ចិន​ លោក​ម៉ាក​ស្ដុក​ របស់​កម្លាំង​ទាហាន​អា​មេ​រិ​កបាន​បញ្ជាក់​ ថា​ ការ​ដែល​ចិន​ដាក់​ឱ្យ​ប្រើប្រាស់​នាវា​ មុជទឹក​បំពាក់​ដោយ​គ្រាប់​បរមាណូ​ មិន​ មែន​ជា​រឿង​ចម្លែក​ធ្វើ​ឱ្យ​មនុស្ស​គ្រប់​រូប​ ភ្ញាក់ផ្អើល​នោះ​ឡើយ​ ។​ លោក​ស្ដុក​ បញ្ជាក់​ទៀត​ថា​ “​បញ្ហា​ធំ​នា​ពេល​នេះ​ នោះ​គឺ​នាវាមុជទឹក​នោះ​បាន​ដាក់​គម្លាត​ ទៅ​លើ​ប្រទេស​ណា​ និង​ចំនួន​ក្បាល​គ្រាប់​ បរមាណូ​”​។​ លោក​បន្ដ​ទៀត​ថា​ សកម្ម​ ភាព​របស់​ចិន​គឺជា​ការ​ត្រៀមលក្ខណៈ​ធ្វើ​ សង្គ្រាម​ និង​ការពារ​តែ​ប៉ុណ្ណោះ​ ។

​តាម​របាយការណ៍​របស់​ក្រសួង​សន្ដិ​ សុខ​ជាតិ​អា​មេ​រិ​ក​បានឱ្យ​ដឹង​ថា​ ក្នុង​រយៈ​ ពេល​១០​ឆ្នាំ​ខាង​មុខ​ ចិន​នឹង​ផលិត​បាន​ នាវាមុជទឹក​បំពាក់​កាំជ្រួច​មី​ស៊ី​ល​យុទ្ធ​ សាស្ដ្រ​បាន​រហូត​ដល់​៨​គ្រឿង​ប្រភេទ​ Type​ 096​ ហើយ​នាវាមុជទឹក​ទាំងនោះ​ អាច​បំពាក់​កាំជ្រួច​មី​ស៊ី​ល​បរមាណូ​ JL-3​ រហូត​ដល់​ទៅ​២៤​គ្រាប់​ ៕

ដកស្រង់ចេញពី CambodiaPage