Thursday, August 22, 2013
ជួលសន្តិសុខឲ្យយាមការ៉ាស់ សាំងបែរជាចាប់ភ្ញៀវប៉ង រំលោភក្នុងបន្ទប់ទឹក
ភ្នំពេញ ៖ កម្លាំងសមត្ថកិច្ចប៉ូលិស ខណ្ឌសែនសុខ បានចាប់ខ្លួនបុគ្គលិកសន្តិសុខ ក្រុមហ៊ុនឯកជនម្នាក់ បញ្ជូនទៅតុលាការ ដោយចោទប្រកាន់ពី បទប្រទូស្តកេរ្តិ៍ខ្មាស(ប៉ុនប៉ង រំលោភសេពសន្ថវៈ) ប្រព្រឹត្តកាលពីវេលាម៉ោង៨កន្លះយប់នាថ្ងៃទី២១ខែសីហា ឆ្នាំ២០១៣ នៅក្នុងស្ថានីយប្រេងកាលតិច ដែលមានទីតាំងជាប់ ផ្លូវសហព័ន្ធរុស្ស៊ីស្ថិតក្នុងភូមិទឹកថ្លា សង្កាត់ទឹកថ្លា ខណ្ឌសែនសុខ។ ប៉ូលិសនិយាយថា ជនដៃដល់ដែលរងការចោទ ប្រកាន់ខាងលើឈ្មោះ ស៊ឹម ស៊ីថា ភេទប្រុស អាយុ២៤ឆ្នាំ មុខរបរបុគ្គលិកក្រុមហ៊ុនសន្តិសុខ ASP ស្នាក់នៅផ្ទះជួលក្នុងភូមិក្បាលដំរី សង្កាត់កាកាម ខណ្ឌពោធិ៍សែនជ័យ។ ប្រពភព័ត៌មានពីក្រុមសមត្ថកិច្ច មូលដ្ឋានបានឲ្យដឹងថា នៅមុខពេលកើតហេតុ ស្ត្រីរងគ្រោះឈ្មោះ ហ.ស.ណ អាយុ២២ឆ្នាំ មានទីលំនៅក្នុងសង្កាត់ចោមចៅ ខណ្ឌពោធិ៍សែនជ័យ បានជិះរថយន្តម៉ាកកាមរីបាឡែន ជាមួយប្ដីមកពីផ្ទះមិត្តភ័ក្តិ ត្រឡប់ទៅផ្ទះវិញធ្វើ ដំណើរតាមផ្លូវសហព័ន្ធរុស្ស៊ី ក្នុងទិសដៅពីកើតទៅលិច លុះមកដល់ស្ថានីយ(ការ៉ាស់សាំង) កាល់តិចក៏បានឈប់រថយន្តចូលចាក់ប្រេងសាំងបន្ថែមក្នុងរថយន្ត ហើយពេលនោះនាងឈឺ(រាន់) បត់ជើងធំផងក៏ឲ្យប្ដីចាំក្នុងរថយន្តឯនាងក៏ដើរចូលក្នុងបន្ទប់ទឹក ខណៈពេលនាងចូលផុត បុគ្គលិកសន្តិសុខ(ជនជាប់ចោទ) ក៏បានដើរទៅតាមពីក្រោយគោះទ្វារបន្ទប់ ពេលនោះនាងបានស្រែកថាមានមនុស្សនៅខាងក្នុង ហើយតែជនល្មើសរូបនោះ នៅតែច្រានគាស់ទ្វារ បន្ទប់ទឹកនោះចូលទៅចាប់ ច្របាច់កបឺតមាត់នាង ប៉ុនប៉ងរំលោភ ប៉ុន្តែនាងស្រែក ប្រតាយប្រតប់ពេលនោះ បុគ្គលិកនៅក្បែរនោះឃើញ ក៏ទៅជួយអន្តរាគមន៍និងឃាត់ខ្លួន ជនជាប់ចោទប្រគល់ ឲ្យប៉ូលិសមូលដ្ឋាន ចាត់ការតាមច្បាប់។ ចំណែកឯបុរសជាប់ចោទ វិញដំបូងបានបដិសេធថា ខ្លួនពុំដឹងថា មានមនុស្សនៅខាងក្នុង ចូលទៅដោយចៃដន្យ ប៉ុន្តែនៅពេលនារីរងគ្រោះចង្អុលមុខ ប្រាប់អំពីដំណើររឿងពិតប្រាប់ ប៉ូលិស ទើបសារភាពពីកំហុសរបស់ខ្លួន។ ប៉ូលិសកំពុង ឃុំខ្លួនជនជាប់ចោទជាបណ្ដោះអាសន្ន នៅអធិការដ្ឋាននគរបាលខណ្ឌសែនសុខ កសាងសំណុំរឿង បញ្ជូនទៅកាន់តុលាការ ផ្ដន្ទាទោសតាមបណ្ដឹងចោទប្រកាន់ របស់នាងរងគ្រោះ៕
ប្រភពពី kpt
.jpg)
